Building Timor-Leste

Back to all blogs
4

Atu Suporta Feto iha Area Negosio, Misaun UN Hala’o Workshop.

Saida mak agensia Grupo Serwisu Hamutuk iha Area Gender UN nian bele halo ho durasaun tempu nebe badak, hodi tulun inan feton sira iha area negosio iha Timor Leste?

Partisipantes Workshop halao debates kona ba asuntu nebe fahe kada grupo

Iha loron 23 Novembru 2010, hau atende workshop ida nebe mak hala’o husi UNMIT serwisu hamutuk ho UNDP no UNIFEM. Workshop ida ne’e hala’o iha fatin konferensia UNMIT nian, iha Obrigado Barracks. Fokus hosi workshop ida ne’e atu utilisa hanoin no ideas hosi partisipantes nebe partisipa hanesan; departementus Governu relevantes, NGO internasional; EDC, USAID, PDT, ILO, NGO lokal; Timor Aid, Alola Foundation, Rede Feto, iha sorumutu ne’e partisipa mos representante husi Asosiasaun Feto Empresaria, grupo  feto negosiates husi Atauro ho Maubara  atu diskuti no koalia klean liu kona ba potensia ou oportunidades envolvimento feto ba negosio iha rai laran.

Iha parte seluk, objektivu hosi workshop ne’e mos atu suporta atinji objetivu desenvolvimentu milenium Timor Leste nian. Ne dunik , grupo Tematik Serwisu  ba PBB kona ba Gender no Edefisiu Sekretariadu Nasaun ba Promosaun Igualidades halao’o workshop ida ne’e hanesan pasu atu kompriende klean liu, kona ba potensia feto atu envolve an iha negosio no sei sai dadus ba planeamentu misaun UN nia iha tinan 2011.

Molok hala’o workshop ida ne’e, durante semana tolu nia laran ekipa UNMIT nebe hola parte iha komisaun ba workshop ne’e, hasoru ona organisasaun nao governamental, departementus Governu, negosiu nain sira no Asosiasaun Feto Empresaria hodi rekolha informasaun kona ba prespektiva feto enjeral iha area negosiu iha futuru.

Esplikasaun resultado diskusaun grupos nian ba forum

Liu hosi sorumotu ne’e asuntu nebe diskuti klean mak areas interesente tolu hanesan; area turismu, area mao de obra no area agricultura. Partisipantes  hotu halao diskusaun iha grupo nia laran hodi diskuti kona ba obstaklus nebe mak hasoru hanesan; laiha asesu ba merkaduria, laiha asessu ba trasporte, laiha suporta finaseira, manus kapasitasaun ou treinamentu atu hasae kapasidade ou skill negosioantes feto sira durante ne’e. No hamosu mos ideas mak hanesan; kria One Stop Shop iha rai laran, halao exposisaun barak nebe mak involve feto negosiates sira atu fo konhese produktu local iha rai laran, hadia kualidades no kuantidades produktu, fo suporta finaseiro maksimu no halao monitorisasaun ba grupo ou inan feton sira nebe mak hakarak halao negosio e fo mos oportunidade ba halao estuda komparasaun iha rai-seluk.  

Iha Workshop ida ne’e sai mos hanesan oportunidades ba PDT– ekipa  Ligasaun atu hato’o informasaun basea ba realidades nebe mak hasoru hosi negosiantes feto sira iha area rurais hanesan obstaklus no exemplu istoria suksesu ba empresariu feto nebe mak hetan fasilitasaun liu hosi asistensia PDT- ekipa Ligasaun nian, klik iha ne’e atu  hare istoria kompletu  

Sra. Josefina Vicente, empresaria suksesu husi distritu Bobonaro, nebe durante ne'e hetan asistensia hosi PDT-ekipa Ligasaun.

Iha parte seluk, PDT hatoo mos total numero fasilitasaun nebe mak envolve empresario feto durante tinan tolu  komesa hosi tinan 2008 ate tinan 2010 hamutuk  4169 transaksaun ba produktu hanesan agrikultura, mao de obras, uma fo aluga, restorante no buat seluk tan nebe mak envolve negosiantes feto sira iha area rurais (dadus nebe temi foti husi dadus de base nebe mak kolekta hamutuk iha PDT- ekipa Ligasaun nia arkivu).

Esplikasaun parte PDT-TL, kona ba totalidades numero envolvimentu feto iha area negosio, basea ba dadus nebe kolekata husi PDT-ekipa Ligasaun.

Ho workshop ida ne’e parte hotu nebe mak envolve an, iha esperansa katak “diskusaun no ideas nebe hato’o la kotu deit iha soromutu ne’e, mai be’e parte hotu espera katak  tinan oin 2011, misaun UN nian bele realisa dunik asaun balu atu bele kombate hasoru obstaklus nebe mak hasoru husi feto maluk negosiates sira. Ikus liu mak bele dunik fo suporta atu atinji desenvolvimentu milenium Timor Leste nian.

Tags

4 Comments

  1. ann turner says:

    parabens, sounds like a great initiative. what a pity it could not be extended to include other interested parties.

  2. Edward Rees says:

    Brigida,

    Diak lo’os. maibe ita bo’ot hanion saida kona ba sira nia serwisu atu halo “workshop” deit.

    Bele explika ba sani nain sira kona ba o nia aktividade atu foti sosador ba fornesador sira iha foho leten ka?

    Edward

  3. Edward Rees says:

    Ann,

    Please contact Brigida to find out how you and others can pile in next time. She is also have may ideas and contact for the Sunset Fair.

    Her mail is Brigida Soares

    Edward

  4. Brigida Soares says:

    Sani nain sira, deskulpa hau kleur atu resposta ita boot sira nia hakarak, agora dadaun ita boot sira bele’e hare hau nia aktividade atu foti sosador ba fornesador sira iha artikel nebe hau post semana balun liu ba:
    http://buildingmarkets.org/blogs/timor/2011/01/20/3-dolar-lorloron-hatutan-liman-ain-komunidades-iha-base-ka-la%e2%80%99e/

    Aban iha fali artikel foun, interese atu le’e bele visita fali blog ida ne’e!

Leave a Comment


Rss Feed Tweeter button Facebook button Youtube button