Building Timor-Leste

Back to all blogs
3

Sosa na’in PNUD kliente primeiru ba SDT

Sentru Distribuisaun Tender-SDT, Peace Dividend Trust (PDT)  dejamina ona 280 resin rekejitus tender husi ajensia Programa Nasoens Unidas ba Dejenvolvimentu-PNUD/UNDP nian ba komunidade komersiantes no kompanha iha Timor-Leste. Husi tranjaksaun hirak ne’e TDS fasilita ona kuaje 140 rekejitus tender suksesu ho valor total orsamentu liu $4 miloens tama indireita ba ekonomia lokal liu husi kompanha sira nebe manan nain ba rekejitus tender PNUD nebe liu husi fasilidade SDT durante nia servisu hahu iha inisiu 2008 to’o ohin loron.

Bainhira hahu stabelesimentu sentru  servisu distribuisaun tender  iha edifisiu PDT iha Balide, Agensia Organizasaun Nasoens Unidas (ONU) nian mak Programa Nasoens Unidas ba Dejenvolvimentu (PNUD) hanesan parseiro primeiru lugar usa sentru SDT durante ne’e, tuir mai ajensias ONU sira seluk, organizasaun naun governmental internasional sira, no Kompanha Internasional nebe operasiona atu buka parseirus ba bens e servisus  iha Timor-Leste.

Foto Treinamentu iha 19-8-2010

Tamba antusiasme fornesedor lokal barak  interese atu tuir kompetisaun ba rekijitus tender PNUD  nian, no sai parseiru kualidade nebe priense kriteiru papel aprovijionamentu ajensia PNUD  iha Timor-Leste,  maka PDT halao ona treinamentu konjunta ba dala rua ho unidade aprovijionamentu PNUD, primeiru iha Julhu 2008 no ikus liu hala’o iha dia 19 de Augusto 2010 iha edifisiu PNUD Kaikoli. Husi treinamentu ne’e PDT halo  Guia ba Vendedores atu halo Negosiu ho PNUD  iha Timor-Leste, no materia guia halo negosio  ne’e  fahe ona ba komersiantes liu 2500 iha Timor-Leste ho gratuitu.

Guia negosiu/parseiru ho PNUD

Direitora Representante PNUD iha Timor-Leste nebe visjita ba edifisiu PDT iha semana ikus fulan Janeiru 2011  liu ba apresia ba ajuda servisu sentru distribuisaun tender ho unidade aprovijionamentu PNUD durante ne’e, hodi transmite informasaun tender PNUD nian ba fornesedor sira  no treinamentu konjunta ba fornesedor. Nain ulun PNUD iha Timor-Leste ne’e salienta katak sei halo kordenasaun diak liu tan ho PDT iha futuru. Durante ne’e parseirus internasonal sira nebe utilija SDT atu anunsia informasaun tender ba komersiantes iha baje hamutuk besik 60 no barak liu operasiona sira nia edifisiu iha Timor-Leste no kompanha internasional balun husi railiur nebe atu buka halo parseiru ho kompanha lokal.

Sentru Distribuisain Tender  haksolok no laranruak atu servisu hamutuk diak liu tan ho komunidade komersiantes  no sosa nain organizasaun internasional sira hotu atu ajuda no ka komersiantes sira ho meius oi-oin ba aban bainrua inkluindu distribuisaun informasaun tender ba kompanha hotu-hotu!

3 Comments

  1. Apolinario says:

    Programa ne’e interesante tebes.
    Se bele karik aktividade hirak ne’e laos det distribui tenderijasaun maibe buka meus oinsa par bele mos kapasita empresariu lokal sira liu husi treinamentu gestaun no relatoriu finansa, atu nune’e sira bele iha konfiansa atu kompete iha tender sira nebe mak governu no agensia internasional sira fo.

    Abraco

  2. Irmao Apli, ita bo’ot kualia ne’e los.
    Ami koko ona halo treinmentu ho unidade aprovisionamentu PNUD ba dalaruak, no ami sei planu atu halau ho organizasoens seluk atu involve membrus kompanha barak liu tan. Kuaje kestaun hirak mak sei sai problema ba ita nia emprejarius local atu tuir kompetisaun tender nebe sai husi organizasaun international, in termus ba kestaun atu kompriende didik ba papel aprovisionamentu tamba linguas.
    Nebe ami hein katak ita bele halo buat ida diak liu tan ba aban bainrua relasaun ho ita nia business sira…

  3. Correia says:

    Hau apoiu ho Irmao Apolinario nia sujestaun,
    Se diak liu tan mak atu fo treinamentu ba ita nia emprezariu lokal sira. Ida ne’e hanesan mos parti ida hodi suporta ita nia emprezario rai laran hodi hasa’e sira nia kualidade de servisu nebe mak diak. Iha parte seluk emprezariu sira, Governu inklui komunidade bele iha konfiansa nebe boot ba organizasun nebe deit mak servisu ba povu Timor-Leste nia bem estar.

    Regards

Leave a Comment


Rss Feed Tweeter button Facebook button Youtube button