Building Timor-Leste

Back to all blogs
2

Emprejariu Feto apresia sms kona ba tender iha Timor-Leste

Tender distribution service online system

Emprejario Feto Timor-Leste agradese ba notifikasaun SMS informasaun tender husi PDT. Carla Tilman, diretora companha Arvec Construction hato’o  lia hirak ne’e bainhira dada lia ho staff PDT nian nebe vijita ba iha nia edefisiu iha Farol, Dili. Nia hatutan katak TDS nia servisu kapa’as no ajuda emprejarius sira hotu atu hetan informasaun, nune’e bele tuir kompetisaun iha prosesu ba kualker tender nebe informa husi sentru distribuisaun tender . Ho asistensia gratuitu ida ne’e, tuir Carla  katak, agora nia hetan bebeik  notifikasaun tender liu husi SMS no email nebe sentru distribuisaun tender ne’e haruka, nune’e nia la presija lao ba fatin barak atu hetan informasaun tender husi komunidade internasional iha railaran. Diretora ne’e mos agradese tamba liu husi SMS nia ba PDT no foti  informasaun kompletu, nune’e nia bele tuir prosesu tender ida husi ajensia ONU nian ho valor $14,558.99 ba servisu rehabilitasaun ki’ik iha tinan liu ba.

Maria Carla Tilman-Diretora Kompanha Arvec

Agora dadaun, diretora Arvec Trading & Construction Company ne’e hari’i  ona asosiasaun emprejariu feto ba konstrusaun nian ida ho membrus kompanha  sanulu resin rua (12) hodi hala’o aktividade konstrusaun, inportasaun materiais konstrusaun nian mai railaran ho naran Associacao Emprezaria Construsao Timor Leste  (AEC-TL) iha Dili. Ho nia feto maluk Empreza nain sanulu resin rua (12) ne’e duni sira hari’i mos Prima Truss Lda nebe fornese materiais ba konstrusaun no seluk tan liu husi eventu lansamentu iha Delta Nova tinan hirak liu ba.

Promosaun prodotu Prima Truss Lda

Hodi hala’o aktividade kompanha nian, nia mos rekruta ona tekniku kampu nain 5, tekniku ba administrasaun no finansas nain lima no engineiro nai ida ba Kompanha Arvec, maybe ba assosiasaun AEC-TL, sira iha ona engineiro  lubuk ida mak hanesan, asitektur nai hat (4), engineiro sivil nain nen (6) no enjineiru elektrika nian balun atu ajuda asosiasaun ne’e. Ita hein katak Carla ho kolega sira nia feto maluk sira iha railaran bele sama sira nia ain fatin nune’e bele iha susesu bo’ot iha partisipasaun ba dejenvolvimentu ekonomia iha rai ne’e.

2 Comments

  1. […] This post was mentioned on Twitter by Edward Rees, PDM-TL. PDM-TL said: Helping women owned business get an edge – tenders alerts by SMS (Tetun language) http://bit.ly/fJLbMl […]

  2. […] 15, 2011 This rticle is an English translation from the original article; Emprejariu Feto apresia sms kona ba tender iha Timor-Leste. February 16, 2011 Tender distribution service online […]

Leave a Comment


Rss Feed Tweeter button Facebook button Youtube button