Building Timor-Leste

Back to all blogs
6

Investementu kapital humanu ba infrastrutura

Ekonomia nasaun nian sai forte  bainhira iha kapital humanu no infrastrutura ne’ebe sufisiente. Kapital humanu katak; ema ne’ebe iha edukaaun, esperensia, kuinesementu no kapasidade hodi  halao servisu ou aktiviade sira ne’ebe produktivu.  Iha parte seluk infrastrutura hanesan fasilidade  fundamental sira ne’ebe publiku bele aksesu hodi halao sira nia aktividade moris loron-loron nian hanesan; Estrada, eletrasidade, be mos, fatin iskola no seluk seluk tan.

Kapital humanu no infrastrutura iha ligasaun ne’ebe forte tebes. Infrastrutura ne’ebe diak persija suporta maka’as husi kapital humanu. Ita hatene katak, Infrastrutura mak sai hanesan pilar ne’ebe importante ba iha desemvolvementu ekonomia, industria no aktividade sira seluk iha komunidade nia le’et.  Povu iha nasaun laran bele esforsa an hodi sai husi mukit bainhira iha infrastrutura ne’ebe diak atu suporta sira nia aktividade.

Iha Timor Leste, depois ukun an to’o agora, problema kualidade infrastrutura sai nafatin hanesan perkupasaun bo’ot ba Timor oan tomak. Povu Timor dala barak hakilar no media sira mos fo sai informasaun kona ba estrada ne’ebe at kada tinan tinan, eletrasidade lakan- mate, iskola fatin ladiak, be mos la sufisiente, irigasaun la funsiona no saniamentu la favorabel. Problema sira ne’e hatudu katak kualidade servicu infrastrutura publiku fraku tebes.

Perkupasaun povu nia atu aksesu ba be mos

Fasilidade infrastrutura sira ne’ebe mensiona iha leten importante tebes ba povu nia moris. Hau foti izemplu ida  hanesan dalan/estrada. Transportasaun sai hanesan aspeitu ida ne’ebe signifikante tebes ba iha aktividade ekonomia rai laran. Ita persija estrada ne’ebe diak no forte atu bele halo ligasaun ekonomia entre kapital no distritu. Estrada ne’be diak bele ajuda distribui produsaun lokal ba iha cidade, no iha parte seluk, povu husi distritu no area rurais mos bele aksesu ba iha saude, edukasaun no informasaun iha kapital. Sistema infrastrutura estrada ne’ebe diak sei rejulta iha sistema distribuisaun ne’ebe sufisiente no bele hasa’e rendementu ekonomia rai laran.

Maibe realidade hatudu katak,  estrada iha Dili laran no estrada sira ne’e be halo ligasaun ba iha distritu sira koaze at mak barak. Tanba sa kondisaun ida ne’e bele akontese ?

Estrada liga Kapital Dili ba Distritu Maliana

Hau hanoin,problema kualidade infrastrutura ne’ebe at, laos deit tanba menus iha osamentu ou politika projeitu foer. maibe mos tanba menus iha kualidade rekursu humanu. Dala ruma ema ne’ebe kaer projeitu la dun iha kuinesementu ba iha  area sira ne’e. Atu hetan kualidade infrastrutura ne’ebe diak, persija ema (rekursu humanu) ne’ebe komprende sistema gestaun infrastrutura nian(Infrastructure Management system). Ema ne’e be hala’o  servisu infrastrutura tenki ema  ne’ebe hatene halo planu, deseinu (design), utilizasaun material, rehabilitasaun no manutensaun.

Edukasaun bele sai hanesan alternativu ida hodi hasa’e kapasidade rekursu humanu iha area  infrastrutura. Ita persija programa edukasaun ba iha area tekniku hodi nune’e bele responde ba iha problema infrastrutura publiku ne’ebe kompleksu tebes hanesan: gestaun, osamentu, planiamentu no manutensaun.

Joven Timor oan ne'ebe istuda teknik iha Yogyakarta, Indonesia

Hau hanoin sistema edukasaun tekniku iha Timor Leste persija hetan antensaun ne’ebe maka’as husi Governu nomos akademiku sira. Ita persija programa edukasaun ida ne’ebe responsivu ba situasaun aktual iha rai laran. Ita espera katak estudante sira liu liu iha universidade sei la sadere  deit ba teoria sira iha livru, maibe bele mos halo analizasaun ba programa no aktividade sira ne’ebe relevante ho kondisaun rai laran.

Ikus mai, atu hamosu rekursu humanu ne’ebe ho kulidade diak, persija mos fasilidade ne’be sufisiente no ekipamentu ne’be adekuadu atu nune’e  estudante sira bele hala’o sira nia knar ho diak. Buat sira ne’e sei bele akontese deit bainhira Governu no intidade sira ne’ebe relevante iha sentimentu katak investementu kapital humanu sai hanesan airin ba iha desemvolvementu nasaun nian.

Tags , , ,

6 Comments

  1. Kerytilo says:

    Uluk nanain, hau apresia ho Iramaun Gutteres nia artikel ne’e. No hau hakarak fo komentario badak no perguntas ida nebe persiza ita kanaliza tuir koridor kompetensia decision maker policy.

    Kestaun Investimentu Rekursu umanu iha Timor menus-no menus tebes-tebes ida ne’e ita bele hare iha orsamentu Geral stadu nebe kada tinan tinan sempre fluktiativu no nungka hatudu grafiku optimismu husi Miniterio Educasaun atu hadia sistema Educasaun rasik

    Segundu ata oan nia observasaun geral katak, molok hare ba nasaun organizasaun partidus politikus deit mos laiha prespektifa nebe komprehensifu ba area investimentu rekursu umanu, irmaun hatudu took mai hau partidu ida nebe maka halao ona no too hene be sira halo invetimentu rekursu umanu iha sira nia partidu laran rasik.

    entaun solusaun mak saida:
    Molok partidu ida ba ukun persiza iha definisaun no konseitu nebe klaru hahu husi partidu laran hodi nune’e molok sira ukun mos iha ona plata forma nebe komprehensivu ba area Investimentu Rekursu umanu.

    Segundu, Persiza hadia Sistime Educasaun nebe orienta ba aprosimasaun holistiku nomos kada rezultado desizaun poltika liu husi orsamentu geral stadu kada-tinan tinan tengke hatudu numeru statistiku nebe signifikadu duni atu hadia rekursu umanus Timor.

    Obrigado wain.

  2. Alex Tilman says:

    Estrada di’ak bele mós hamenus pressaun iha urbanizasaun nian, liu-liu ba iha sentru urbanizasaun boot hanesan Dili. Ema ne’ebé eskola ka servisu iha Dili la presiza muda mai Dili atu hetan asesu ba sira nia atividade. Ema balu muda mai Dili ka sentru urbanizasaun sira seluk tanba fasilidade ne’ebé bele servi sira nia nesesidade iha zona rurál laiha, hanesan servisu saúde ho edukasaun, servisu finanseiru nian, servisu governu nian, etc. Ho estrada di’ak, bele mós fasilita asesu ba servisu importante sira ne’e, nune’e, ema mós sei ladún iha impulsu atu muda mai sidade. Nune’e, ita bele mós nota importánsia ba sistema estrada ida adekuadu, ne’ebé bele oferese solusaun ba public policy oioin.

  3. Obrigado iramo Kery.
    Hau nia responde ba ita bo’ot nia perguntas mak nee:
    Permeiro, fluktuasi osamentu kada depertementu ida idak (inklui departementu edukasuan) ne’e depende ba iha programa no mos planu strategiku husi deperatementu ida idak. Normalmente ministeriu ida idak halo sira nia budget baseia ba planu ne’ebe sira iha, depois lori budget ne’e ba iha ministeriu finance no ikus mai halo aprezebtasaun ba iha Parlamentu hodi hetan aprovasaun. Maibe ita persija tau ba neon mos katak aprovoasaun osamentu nee laos buat fasil ida, tanba iha mos influensa maka’s husi politika no faktores sira seluk.
    Segundu, hau hakarak responde det katak,,artigu ne’e hakerek liu kona ba investementu kapital humanu iha area infrastrutura. Hau la hateke ba iha oinsa hasae rekursu humanu iha partidu politkus, tanba tuir hau nia hanoin partidu ida idak iha sira nia programa no estrategia rasik atu hasae kapasidade sira nia rekursu.
    Abraco

    Irmao Alex, Hau asseita ho ita bo’ot.
    Loron Diak

  4. Kaimanu says:

    Persiza mos rekursu humanu ba politika nain sira atu nune sira bele hatene etika no normas bainhira koalia iha publiku. Liu liu mak membru parlamentu sira be loke FB hodi halo kampanye nee. Sira trata malu tun sae..sukit sai governu nia dodok sira, hatete at lideransa nasaun nian..maibe iha parte ida sira la senti katak secara tidak langsung sira hatun dignidade nasaun nian.

    Dala ida maun sira hakerek tok mos kona ba lalaok membru parlamentu sira be hit kartaun nee.

    Abraco

  5. Los duni katak ita iha limitasaun iha rekursus humanus hodi implementa programa iha area infrastrutktura, maibe limitasaun ida ne’e refleta buat rua:
    1. Tamba tempu ukun a’an ida ne’e foin lori tinan 10, ita nia povo no lideransa nia mentalidade sidauk maduru diak.
    2. Tamba mos managementu mak la’o ladun diak, biar rekursus humanus oitoan ba mais se maneija diak, bele mos produs buat ruma. Impaktu husi ladun iha managementu mak ema sira nebe domina area rekonstrusaun temke ba halo fali serbisu IT ou administrasaun balun iha ministeriu balun, entaun ita iha difikuldade iha implementasaun. Ida ne’e lahatudu termu The Right men on the Right place ne’e.

    maibe atu oinsa ba mos nudar Timor oan iha korazen atu kontnua kontribui ideia no mos energua se nesesario atu hodi lori dezenvolvimentu ba rai doben Timor Leste.

    Abracos.

    Jose

  6. BORAMORY says:

    Maun boot sira nia opini diak tebes, tamba nee hau intersantes hakarak fo komentariu oitun.
    Sim, hau konkorda ho ita boot sira hotu katak: kapital humanu, infrastruktura, gestaun ho mentalidade sai hanesan faktores importante tebes ba Nasaun TL. Maibe wainhira ita foka kontekstu kontemporer iha TL, ita bele dehan: “Semak forte nia mak manan” semak domina merkadu no semak ukun. Sekarik ukundor ho investor sira kesi malun metin maka ita sei lahalo buat ida. Hau hanoin oras nee ita baku hela kalen mamuk karik ?
    Partidu nia objektivu prioridade, buka votus atu hetan kadera no fahe projeitu. Ba sira, plata forma diak ka ladiak nee nomeru 100, importante ba sira mak ukun. Tamba ukun bele domina buat hotu tuir gostu. Hare tok, elisaun besik ona, sira komesa tun ba aileba sira nia let halo promesa oin2, sira nia kabe’en mos bot suli arbiru, aileba oan sira hare sira moe fali. Wainhira Elisaun remata sira mos lakon. lakon hanesan siluman. Amm…, partidu siluman karik !
    Durante nee Prinsipiu nebee mak kontraktor sira adora hela maknee: sekarik hakarak hetan projektu nafatin labele hare ba kualidade maibe hare ba kolegasaun tamba halo Infrastruktura ho kualidade bele limita sira nia kuantidade projektu.
    Atliutan, wainhira ema kritika governu,sira hare uluk identidade ema nian. hanesan ema See mak kritika?, husi partidu nebe?, nia hakarak husu osan/projektu hira ?. situasaun idanee mak agora nee akontese hela iha timor leste.
    Situasaun agora halo hau pusing-pusing hela mak’ misionariu sira mos kaer projetu? , Politikus sira mos kaer projetu ?, Veterano sira mos kaer projeitu? buta huruf sira mos kaer projetu ? hotu-hotu hadau malun sai kontraktor, konsultan infrastruktur ? ema teknik mak laiha ka ? ou tamba governu uja sistema kolegasaun ?
    tebes dunikah hanesan ita bot sira dehan rekursu umanu teknik mak menus ?. Hau rasik sei dauk bele dehan rekursu humanu menus tamba hau laiha dadus kompletu konaba kuantidade rekursu humanu iha rai laran.karik ita bot sira iha dadus bele hato’o mai ka ?

Leave a Comment


Rss Feed Tweeter button Facebook button Youtube button