Building Timor-Leste

Back to all blogs
4

Elle Quattro (L4) – Veteranus lao ba oin, buka tender.

Senhor L4, Veteranu ida nebe sai emprejariu

Liafuan ne’e hato’o husi senhor Andre da Costa Belo ho naran Kodiku Luta nian (Elle Quattro) L4 nebe kuinesidu iha rai ida ne’e, nebe hakna’ar an hanesan emprejario no lidera Kompanha Laga Construction Lda, bainhira visita no dada lia ho gerente sentru distribuisaun tender Peace Dividend Trust (PDT) nian  iha edifisiu Balide, tamba hetan notifikasaun SMS kona ba tender iha Timor-Leste husi ajensia internasional ba seitor konstrusaun no renovasaun nian, tamba kompanha nebe lidera husi senhor  L4 rejista ona iha databaje online aprovisionamentu nian nebe uniku iha Timor-Leste.

Luta na’in no veteranu FALINTIL durante tinan 24 nian nebe agora haknar ‘an iha dejenvolvementu rai ida ne’e liu husi seitor privadu hanesan vida normal atu familia no ajuda jovens  barak nebe mak seidauk iha aportunidade no posibilidade atu hetan serbisu , tamba  nasaun ida ne’e foin ukun a’an, no jovens barak mak la hetan aportunidade estudu nivel a’as iha tempu pasadu tamba kondisaun la premite iha tempu resistensia no luta nia laran.

Senhor L4 nebe hanesan mos lideransa ida iha assosiasaun Veteranu ne’e realsa tan katak,  “hanesan emprejariu nebe serbisu barak liu, nune’e ami la iha tempu atu ba iha Internet Caffe, atu asesu informasaun tender sira nebe anunsia iha situs oi-oin ba Timor-Leste nian, I ami mos nunka hatene oinsa atu uja internet hodi buka informasaun ne’e iha buat sira ne’e, tamba durante funu nia laran nunka uja internet  nebe ami barak mak la hatene.., maibe ami iha teknu sira nebe serbisu ho ami nia kompanha hodi buka informasaun iha situs tender iha Timor-Leste.”

Dalan atu hetan informasaun tender iha Timor-Leste

Eis komandante ne’e mos aumenta katak informasaun nebe PDT pasa ba emprejariu sira ne’e diak tebes, nune’e  ba oin  fo nafatin informasaun tender sira husi parseiru internasionais nebe investe no atu ajuda sira nia osan mai  iha Timor-Leste bele iha impaktu ekonomiku, tamba investimentu sira ne’e bele iha involvimentu maksimu husi parseira lokal, hodi  nune’e pelo menus fo serbisu ba jovens sira nebe uluk partisipa tinan 24 funu ba independensia ne’e bele hetan benefisiu ruma, nune’e ikus liu iha nasaun nia laran mos bele iha  dame ba oin, hanesan objetivu fundador sira hotu iha rai doben ida  ne’e.

Tags ,

4 Comments

  1. Importante tamba Timor Leste ohin loron persiza kontribuisaun husi ema hotu ka sidadaun hotu… Importante liu tan mos tamba nudar ema veteranu ida, la kolen atu fo nia kontribuisaun ba rai ida ne’e ho forma seluk. Uluk ho kilat musan.. agora ho energia de konstrusaun. Abracos

  2. Hau aseita ba ita nia comentario ne’e, ba oin ita espera hotu2 iha espiritu oinsa sociaedade tomak fo liman ba malu atu dejenvolve nasaun ne’e ba oin. Abracos

  3. Hau aseita ita nia komentario, no ita espera ema barak bele banati tuir nia..

  4. Karlito Nunes says:

    Veteranu sira merese duni atu hetan projeitu hodi konstrui nasaun Timor-Leste. Iha fase funu nian sira hatudu ona katak sira konsege liberta Patria Timor-Leste no durante fase independensia veteranu dala ida tan atu hatudu kontribui no sai autor ba dezenvolvimentu total iha Timor-Leste…. Viva Veteranu!!!

Leave a Comment


Rss Feed Tweeter button Facebook button Youtube button