Building Timor-Leste

Back to all blogs
0

Tinan 3: SDT fasilita sosa iha railaran $10,6 miloens

Apresenta servisu SDT ba Aprovisionamentu parseirus dezenvolvimentu internasional

Servisu tinan 3,  Sentru Distribuisaun Tender (SDT) fahe ona informasaun tender iha Timor-Leste ba fornesedor/komersiantes sira iha rai laran liu husi notifikasaun SMS, Email, publika iha situs tender PDT, no publika iha edifisiu PDT, Balide. Total anunsia tender nebe rejistu no fahe ba komersiantes lokal hamuntuk besik 700,  nebe mai husi organizasoens komunidade internasional besik 60, hanesan ajensias Nasoens Unidas balun, Organizasaun Naun Govermental Internasional, Kompanha internasional no parseirus dezenvolvimentu internasional nebe tulun Governu Timor-Leste ho fundus husi komunidades internasional ka doadores.

Sistema diak nebe apoiu emprejarius

Visitantes foti copia info tender ho gratuitu

Husi informasaun tender 700 nebe anunsia publika liu husi sistema PDT nian ba komersiantes sira iha teritorio tomak, 224 tender taka ona ho resultadu asistensia ka fasilita husi SDT ba bens no servisu liu husi emprezarius iha rai laran ho valor $10,6 miloens, 242 tender maka  taka ho sem resultadu ou kansela, no restu sei hein resultadu.

Sentru Distribuisaun Tender (SDT) mos arkivu informasaun fo kontratu (intent to award) balun (mais ou menus 25% deit) husi tenders  (projetus) iha Tmor-Leste ba emprezarius manan na’in projetus husi fundus no orsamentu oin-oin ho valor liu $222,1 miloens hahu husi mediu 2008.

Arkivu manan na'in tender iha Timor-Leste

SDT Peace Dividend Trust (PDT) iha interese no responsabilidade bo’ot atu buka dalan oinsa atu ajuda komunidade Emprezarius iha Timor-Leste, komunidade komersiante local no hadia oinsa sira bele hetan informasaun merkaduria no ajuda sira ba prosesu no kompetisaun transparente kona ba tenderizasun iha railaran, nune’e  ekonomikamente iha progresu bo’ot ba dejenvolvimentu husi parte seitor privadu ba nasaun ida ne’e, Timor-Leste. Iha tempu badak nia laran PDT sei anunsia resultadu peskija impaktu husi SDT nian.

Ami agradese no fo obrigado barak ba Empresarius, aprovisionamentu sosa na’in internasional sira iha Timor-Leste no entidade tomak nebe serbisu hamutuk durante ne’e. Parabens!

Leave a Comment


Rss Feed Tweeter button Facebook button Youtube button