Building Timor-Leste

Back to all blogs
0

“Joint venture” posibel ou lae ?

Misaun Entrepreneur Northern Terittory iha Timor-Leste, Maio 2011.

Seminar ne'ebe hala'o iha Hotel Timor husi delegasaun entrepreneur Australia.

Saida mak “Joint venture” ?

“Joint venture” ka parseria mak kooperasaun/serbisu hamutuk entre komponente rua atu kria negosio hamutuk iha tempu ne’ebe sira determina, iha signifikasaun seluk mak parseria negosio ne’ebe tau hamutuk investementu no responsabilidade tuir kontratu ne’ebe sira halo.

Posibel ou lae “joint venture” ne’e akontese ? Perguntas ida ne’e mosu tamba hare’e ba inisiativa kompania lokal Timor-Leste nian menus liu wainhira konvida atu tuir enkontru ne’ebe mak koalia kona ba oportunidade parseria ka ” joint venture”  iha area minarai no gas ho kompania fornesedor husi Australia.   

Livrinu kona ba informasaun geral misaun delegasaun nian.

Iha semana balu liu ba iha loron 29 -31 Maio 2011, iha delegasaun husi Australia visita Timor-Leste. Delegasaun ida ne’e organiza husi  Australia’s Northern Territory Chamber of Commerce, delegasaun ne’ebe mai kompostu  husi kompania fornesedor hamutuk rua nolu resin ida (21) ho objektivo atu estabelese  kontaktu ho entrepreneur lokal ne’ebe mak iha kapasidade atu halao ” joint venture” ka parseria. Areas importante hirak ne’ebe mak sira interese monu ba seitor spesifiku lima hanesan uma no konstrusaun, minarai no gas,edukasaun, infrastuktur no logistik.

Liu husi koordenasaun ne’ebe diak entre PDT no Australia’s Northern Territory Chamber of Commerce, komisaun organizadora ba delegasaun sra. Nicole Hore husu PDT nia tulun atu kontaktu entrepreneur Timor-Leste ne’ebe mak interese atu hasoru malu ho delegasaun ne’ebe mai. Ho durasaun tempu ne’ebe badak  no utiliza online baze de dadus www.buildingmarkets.org, ne’ebe mak parseria ho Miniterio Turismu, Comersiu no Industria (MTCI), PDT konsege haruka email no kontaktu via telefone ba komponia lokal, kuaze atus ida lima nolu (150) ne’ebe mak iha potensia atu bele realiza parseria.

Agenda Seminar ne'ebe halao iha dia 30 de Maio 2011.

Ikus mai Iha dia 30 de Maio 2011, delegasaun ne’ebe mai realiza duni seminar iha Hotel Timor, komesa iha dader tuku 8.00 otl no remata iha lokraik horas 3.30 otl. Seminar ida ne’e loke husi Ministru Ekonomia e Desenvolvimento Sr. Joao Goncalves no iha nia liafuan badak, nia espresa Timor nia rikezas ne’ebe mak laos mai husi seitor minarai no gas deit maibe mai mos husi seitores seluk ne’ebe mak fo oportunidade atu bele investe. Iha parte seluk iha seminar ne’ebe refere delegasaun ne’e mos halo aprezentasaun husi kompania idak idak ne’ebe mak espresa sira nia hakarak atu buka parseria ho entrepreneur lokal.

Simon Dring husi Industry Capability Network dadalia ho Florencio Sanches nain ba kompania fornesedor lokal Rencio Sanches Unipessoal.

Depois enkontru remata, PDT hetan konvite husi kompania ida ho naran Hodgkison Architects atu hasoru malu nune’e bele hetan informasaun geral kona ba kondisaun ekonomiko e mos informasaun kona ba engineiro Timor oan sira ne’ebe mak iha matenek iha area desenha gestaun/design management nune bele hetan oportunidade atu tuir kursu  iha Australia.

Obstaklu bo’ot ne’ebe maka identifika iha seminar maka hanesan faktores lingua ne’ebe defisil atu liga kompania lokal ho kompania ne’ebe mai husi rai liur. Hare’e ba kestaun ida ne’e parte rua ne’ebe iha tenki aprende, iha parte ida kompania lokal sira tenki aprende lingua ingles no iha parte seluk kompania internasional sira ne’ebe mai tengki aprende lingua Tetum, obstaklu geral seluk ne’ebe mak mensiona mos maka kondisaun estrada, elektrisidade, transporte no seluk tan ne’ebe mak seidauk sufisiente to agora.

Tuir planu kompania Hodgkison Architects sei mai fali Timor-Leste iha fulan Setembru 2011, sira iha esperansa atu hasoru malu ho engineiro lokal ne’ebe mak iha interese atu serbisu hamutuk ho kompania ne’ebe refere. Se karik ita bo’ot sira hakarak hasoru malu ho kompania Hodgkison Architects bele kontaktu ami iha numero telefone; +670-332.2823, +670-729.8264 ka haruka email mai bbsoares@pdtglobal.org.

Leave a Comment


Rss Feed Tweeter button Facebook button Youtube button