Building Timor-Leste

Back to all blogs
0

“Jeitu”produsaun foun lembransa/souvenir Timor-Leste.

Lembransa furak ne'ebe produs husi "Jeitu".

Kelu/Lasu liman furak ne'ebe produs uza tais.

Hakarak sosa lembransa/souvenir furak husi Timor-Leste hanesan prezente ba familia sira, agora dadaun produsaun ba lembransa sira ne’e fasil atu hetan iha Dili laran. “Jeitu” naran husi kompania foun ne’ebe hari iha tinan kotuk iha fulan Novembru 2010, kompania ida ne’e hari’i ho objektivu atu halo produsaun ba lembransa furak husi Timor-Leste.

Roberto no Jose mak produs lembransa furak sira ne'e.

Sra. Sheila Boston, Instruktur ne'ebe hanorin produs lembransa.

Iha loron 17 Maio 2011, PDT visita kompania foun ne’e atu hare deretamente oinsa sira produs lembransa furak sira ne’e, liu husi intervista badak ne’ebe halo, afinal lembrasa furak sira ne’e produs husi Joven mane nain rua ho naran Rosentino C. Martins no Jose Franco ne’ebe mak kreativo tebes liu husi instrusaun Sra. Sheila Boston, Australiana ida. Fatin produsaun ba lembransa sira ne’e iha rua Taibessi Matando, aldeia Jembatan Bessi, suco Lahane Oriental, sub-distrito Nain Feto, Dili, Timor-Leste.

Brinkus furak produsaun "Jeitu"

Tuir informasaun ne’ebe mak hatoo husi Sra. Sheila, sira produs lembransa sira ne’e utiliza tais Timor husi distritu hotu e mos uza ekipamentos lokal hanesan nu’u kulit no seluk tan. Lembransa furak sira ne’e mak hanesan livro, kartao furak,  kaixa kiik, pasta kafe’e, brinkus, kelu, bandoleti no produsaun furak seluk ne’ebe mak oferese husi kompania ida ne’e. Lembransa sira ne’e barak liu sira exporta ona ba Australia hanesan ba cidade Adelaide no Melbourne. Iha Dili, kapital Timor-Leste produsaun sira ne’e ita bele hetan iha Alola Foundation no Mercado Tais, Kolmera.

Karik defisil atu visita sira nia fatin, bele kontaktu ba numero telfone +670-788.7890/+670-727.6307, no mos bele liu husi email jeitu.tl@gmail.com.

Tags , ,

Leave a Comment


Rss Feed Tweeter button Facebook button Youtube button