PDT NO PREZIDENTE, IHA WARUNG RISKY - Building Markets

PDT NO PREZIDENTE, IHA WARUNG RISKY

by Simao de Jesus Belo
March 2, 2011

Iha fatin ne’e Shr. Prezidente no Direitor PDT hasoru malu

Warung Rizky hanesan warung simples liu iha area Aitarak Laran maibe kunhesidu tebe-tebes husi lideransa Timor oan tamba warung ne’e nia nain mane hanesan ema klandestina nebe fo mos nia kontribusaun hamutuk ho maluk sira seluk iha tempu invazaun Indonesia. Nia mak Shr. Fansisco, no agora hela iha Indonesia depois krize 1999 no nia kaben feto Sra. Veronica maka maneja no kontrola aktividade atendementu visitante husi tempu ba tempu.

Shr. Prezidente Visita Stand PDT nian iha Feira Merkado Lama, 19 Junhu 2010

Horiseik, loron Tersa 01 February 2011, Prezidente RDTL,  Shr. Jose Ramos Horta, hasoru malu ho Direitor PDT-TL  (Peace Dividend Trust) iha Warung Rizky hodi han meudia hamutuk. Iha sira nia hasoru malu ne’e koalia fokal liu konaba futuru databaze PDT nebe hasoru problema finanseiru tamba doadores hakarak hakotu ona suporta ba projetu nebe refere. Ema hotu hatene PDT nia servisu, Shr. Prezidente mos hatene no Governo Timor Leste maibe balun deit, seluk taka tiha matan no lakohi ajuda.  Koko halo evaluasaun ba servisu PDT nian bele dehan uniku no informador ba sosa no fa’an nain, maibe kuandu projetu ne’e taka ou remata nia servisu tamba laiha orsamentu husi doadores no governo, maka Timor sei hasoru dezafiu bo’ot, tamba investoris no negosiantes sira sei labele asesu ba informasaun iha Portal Directory PDT nian no lakon informasaun konaba merkadu negosiu iha Timor-Leste. Hanesan aiknanoik ema dehan “Vida Hanesan Batar Nurak Maibe Nia Isin Hanesan Batar Tuan”, katak foin mak hahu nia servisu maibe emprezariu barak mak hetan ona nia benefisariu husi servisu nebe oferese.

Sra. Sri Ardya ho maluk vizitantes sira iha Warung Rizky

Maibe, Prezidente RDTL Shr. Jose Ramos Horta nebe mak visita dala barak ba edifisiu PDT no hatene barak liu konaba servisu ida ne’e, enkorage atu Governo Timor-Leste hatutan fo suporta  kuandu doadores hakotu sira nia ajuda iha tempu oin mai. Ami, stuktura PDT hakarak hato’o agradesementu ba Prezidente RDTL, Shr. Jose Ramos Horta nebe tau fiar nafatin ba PDT atu kontinua servisu iha projetu nebe refere no husu governo atu la taka odomatan kuandu PDT husu ajuda iha tempu oin mai hodi kontinua servisu iha projetu nebe agora la’o hela dadaun.

Prezidente da Republica hasai fotografia hamutuk ho Staff PDT iha Edifisiu PDT, Balide. Dili, 31 Augosto 2010

Tags : Featured Business Profile https://buildingmarkets.org/blogs/timor/wp-admin/post.php?post=2424&action=edit&message=10#

More from this author -

Latest News -