Se mak manan tender karau? - Building Markets

Se mak manan tender karau?

by Eduardo Da Costa
January 25, 2011

“Sorti bo’ot hau bele hetan informasaun husi sentru distribuisaun tender PDT nia nune’e hau mos bele tuir kompetisaun ba prosesu tender ne’e no konsege manan no fornese karau 96 no transporte nian”, dehan senhor Miguel Monteira (tinan 53) hela iha  sub-distritu Iliomar  nebe manan tender organizasaun international World Vision ba fornesementu (supplier) Karau Vaca hamutuk ulun 96 no transporte ba grupu komunidade sira iha distritu Baucau nebe hetan suporta husi organizasaun nao governmental ne’e hahu iha fulan Augustu 2010.

World Vision International nia edufisiu representante / Country office iha Dili annuncia tender informasaun liu husi jornal Suara Timor-Lorosae iha dia 21 de Julhu 2010 to’o dia 25 Julhu 2010, konvida fornesedor agricultor/perkuaria husi distritu Baucau, Lautem no Viqueque atu tuir kompetisaun. Tender Distribution Services (TDS) Peace Dividend Trust distribui informasaun ne’e liu husi SMS, Email, situs marketplace, no post iha PDT nia edifisiu Balide.

Sr. Miguel nebe rona informasaun ne’e husi nia maluk supplier iha distrito Lautem nebe hetan sms husi PDT tu’un kedas ba Dili atu hetan informasaun los ba sentru distribuisaun tender Peace Dividend Trust iha Balide dia 27 de Julhu 2010, loron nebe tender ne’e taka ona. Bainhira nia hetan copia anuncia ne’e sr.Miguel hakarak atu hetan informasaun direita husi organizasaun nebe hasai tender no atu hatene posibilidade ba apresenta proposta, nune’e TDS services esplika no fo dalan edifisiu World Vision no senhor Miguel konsege hasoru pesoal kompetente nune’e nia hetan duni aportunidade hatama proposta no manan iha kompetisaun.

Konfirmasaun husi World Vision katak, mesmu dia 25 de Julhu 2010 dealine, maibe iha dia 27 de Julhu 2010 senhor Miguel Monteiro hetan posibilidade sai aplikante ikus atu kompleta sira seluk maibe barak la tuir criteria no Miguel vensedor Segundo.

Tamba tempu la premite, vensedor primeiro retira husi kontratu, World Vision kontacto fali senhor Miguel no asina kontratu basupply no transportasaun Karau Vaga 96 ba grupu komunidade iha Baucau nebe hetan assistensia husi ONG World Vision, ho kontratu folin karau komesa husi $350 to $390 no kontratu ba transportasaun ho $30,25 ba karau ulun ida, iha semana kotuk 14/1/11 fornese ona karau vaga ulun liu 60 sei complete iha tempo badak ne’e. Kontratu total sosa karau no transporte Hamutuk kuaje liu $36,700.00.

Karau iha Lautem

Miguel Monteiro nebe hakat ba TDS- Peace Dividend Trust nia edifisiu atu informa nia succesu ne’e suplienta katak nia hahu business fa’an no sosa karau komesa iha 2003. Nia parseiro mak fornesedor na’an iha merkadu balun iha Dili no fatin seluk.  Ba gerente  sentru distribuisaun tender-marketplace project, Peace Dividend trust nian iha Balide 15 Janeiro 2011, sr. Miguel informa katak komesa hahu husi tinan 2003 to’o ohin laron nia sosa ona karau Vaga liu ulun 1000 husi komundade Iliomar no fa’an ba iha Dili no fatin seluk nune’e nia estimasaun kuase  liu $300,000 benefisia komunidade iha area ne’e liu husi produtu perkuaria.

Fornesedor ne’e sai kuinesidu husi Precuaria MAF Distrito Lautem no hetan lisenca exportasaun local ba Karau Vaga.

Iha tempu dadauk ne’e nia registu hela nia kompanha, bainhira hetan ona licenca cpmpanha, Miguel sei registo nia kompanha iha business database online PDT nian nune’e sei hetan informasaun update kona ba tender sira nebe anunsia iha Timor-Leste. Nune’e bele hetan parseiro ruma atu loke “Matouro” iha capital Dili,  hanesan nia objetivo no mehi iha futuru.

Bainhira konfirma ba senhor Abilio Marques no Jefry Neto iha ONG World Vision 21/1/11  katak, sr. Miguel manan fali tender ne’e tamba vencedor primeiro  dada’an atu kontinua fornese karau 110  no tula mai iha iha Baucau.

Tuir senhor Abilio aplicantes ba tender fornsesimentu karau ne’e barak, maibe iha deit nain rua mak tuir criteria atu halo distribuisaun ba grupu komunidade sira nebe hetan tulun husi ONG World Vision International. Sucsesu!

Tags : Agribusiness lautem tender

More from this author -

Latest News -