Iha loron 15 de Setembru 2010, tuku 9 dader to’o tuku 5 lokraik iha Hotel Timor, ENI (kompania mina no gas ne’ebe manan tender iha rai laran) hetan dalan husi Autoridade Nasional Petrolium (ANP) hodi halao sorumutu ida ne’ebe signifikante tebes hodi koalia kona ba kontestu merkadu lokal (local contents). Iha sorumutu ne’e, sub kontraktur husi ENI hanesan Blue Water, Transocean, ect halo apresentasaun kona ba saida mak sira bele investe no hetan husi kumpania lokal no saida mak governu Timor –Leste bele fasilita sira iha area ba esplorasaun mina no gas iha rai laran.
Sorumutu ne’e, atende husi kumpania nasiona hamutuk 36 no mos partisipa husi maluk sira husi kumpania intenasional husi Australia hamutuk 26 Iha oportunidade ne’e mos, Peace Dividend Trust (PDT) hansan Organisasaun Nao Governamental husi Canada hetan konvite husi ENI no ANP hodi hatan mos ba seminariu ne’e ho rasaun tamba kria base de dadus ida mak signifikantes tebes ba empresa sira ne’ebe registu iha Timor-Leste, liu husi nota de intedementu (MOU) ida hamutuk ho Ministeriu Tourismu, Komersiu no Industria Timor-Leste no mos baseia ba esperiensia ne’ebe iha hodi bele fahe hanoin ba malu.
Ilidio Ximenes da Costa hanesan representante husi PDT halo apresentasaun kona ba programa jeral PDT nia iha Timor-Leste ne’ebe hare’e klean liu ba “Industry Supplier Development through Local Procurement”. Apresentasaun ne’e hala’o iha Dili no mos tuir hikas konferensia ne’ebe hanesan iha Darwin. Husi sorumutu ne’e hetan resultadu maka hanesan tuir mai ne’e: isu Good and Services, katak iha difikuladade balun ne’ebe governu Timor-Leste tenki tau matan mak hanesan; asesu ba informasaun, karatina, dalan, be mos, seguransa, fasilidade airuportu no portu, medicina,lixeiru, be mos, rai, asuransi, elekrisidade, lian, fasilidade ba treinamentu, sistema ba rejistrasaun kumpania no mos sira seluk tan.
Maski nune’e, ANP ho ENI no mos empresariu nasional sira hatan atu atu hamosu sistema ida ne’ebe naran “ Joint Venture” . Nune’e mos hato’o rekomendasaun ba governu atu tau matan ba kestaunn sira negative ne’ebe temi iha leten.
More from this author -
Latest News -
Empresariu Fronteristas Hasoru Malu.
bobonaro fronteira
![[Press Release] Building Markets Awarded Grant from the Nasdaq Foundation to Empower Women Entrepreneurs in Colombia](https://buildingmarkets.org/wp-content/uploads/2024/03/Nasdaq-Partnership-Announcement-2.jpg)